All dis lot a deading
Really triggering me Dah mean it Meking me remember IVY dead
And reckoning wid my own mortality
And who close to me might dead next Sometimes a frighten is me goin an dead next Cause main understand how people just falling dung so…These things ain’t look like deh goh no reasoning Me heart raw So is like each one a know touching di open wound When a hear last night bout di woman from Best Buy lord my spirit shiver … main sleep good. A ask you sure? Cause di woman from market street – a know her – like when people don’t know people but you know dem still And den Leeshaw sister from in di ghaut On di wall who use to live by cat man Leeshaw sister use to plait me hair …She use to plait me hair A talk to her di day before she dead We was laughing bout how I use to wash me hair and come and sit and wait … For me hair to plait and I want to pick me own style And now she gone Death hard and final man it does rock up you chest from di inside These people a grow up wid and deh ain’t old like Ivy 30 scores and 10Main writing a lot cause …. Ah tired But …. Those of us who living and lost love need care and to care is to Show up and help. Do something meaningful Carry a load if you can Don’t do di lot a questioning How she dead? She did sick ?When she dead ?How come you ain’t call me ? Show up if you can And carry a load – we does note absence And remember presence for a life time Even if it’s just a lil bit Collin drop off watermelon cause is one a di few things Ivy could eat good wid she empty mouth, every time we is to brush teeth she say she ain’t have no teeth So I is not to harass her and She can’t smile and show no teeth So a see d watermelon and a feel good Like is a nice remember IVY gift Den a look round and realize di Mr. Brown went grocery. Dis man good see If you around anyone who lost love Help do something It don’t have to be a heavy load. But a lil bit is enough
